Larawan mula sa asianjournal.com
Panahon ng halalan
Matindi ang pilian
Paparating na naman
Kay daming kandidato
Ika'y dapat matuto
Para hindi mauto
Maraming ipapaskil
Sa ganda'y 'wag pa-siil
Matuto kang magpigil
Puro sila pangako
Kaya, kaibigan ko,
Isipan ay itrangko
Kung lahat sa pamilya
Tatakbong walang palya
Isa na 'yang dinastiya
May tiwali o kurakot
May magaling manakot
May isip na baluktot
Kung gusto mong umunlad
Solusyong nakalahad
Nasa 'yong mga palad
Diona - uri ng tulang Pilipino na may pitong pintig sa bawat taludtod, may tatlong taludtod at may isahang tugmaan
MAHALAGANG PAALALA:
Ang "HALALAN" ay isang lahok sa Saranggola Blog Awards 7.